ABANDOAR A
CULTURA DA QUEIXA
Sen dúbida
sobran motivos para reclamar: do Goberno central, da Xunta, de
Bruxelas, da globalización, da banca, do clima, da herdanza... Poden
verse como problemas ou, máis pragmáticamente, como datos do
problema. Compre actuar, coller a iniciativa. Os exercicios de
estilo, tan cultivados, son inútiles: falar de fusionar concellos,
do individualismo arraigado, das esencias do país, da natalidade,
non producirá resultados. Galicia necesita unha certa épica do
futuro colectivo, amplamente asumida, cunha estratexia a medio prazo
de crecemento económico e de redistribución da riqueza, de búsqueda
de oportunidades, de mellora da formación, de garantías de non
exclusión. Un proxecto colectivo incluinte para rachar coa
dependencia progresiva. É algo máis cun programa de goberno. Non o
farán os que durante sete anos aplicaron o diktat da maioría
absoluta.
So
asumindo humildemente os erros do pasado e as nosas limitacións,
dialogando coas voces discrepantes, e coa participación de todos,
podemos abordar seriamente un proxecto colectivo ambicioso, de longo
prazo, difícil en todo caso. Non facelo é aceptar que Galicia será
un país para vellos, tranquilo e afastado dos países dinámicos,
das oportunidades, dos retos e do futuro.
No hay comentarios:
Publicar un comentario