FEBLES
OPORTUNIDADES E FORTES AMEAZAS
Cuarenta
anos de democracia, trinta e cinco de autogoberno e trinta na Unión
Europea, teñen modificado fondamente o país galego. Trocamos unha
economía dependente do sector primario, agricultura, gandeiría e
pesca, pola terciarización común na contorna europea, e o país dos
trinta mil núcleos de poboación por una sociedade urbanizada.
Rematouse co aillamento secular mediante unha dense rede de
infraestruturas avanzadas e co atraso educativo, ata igualar as taxas
de universitarios propias dos territorios máis adiantados. Estamos
plenamente incorporados ás pautas culturais da época, no consumo,
na cultura, nas tendencias, superando a visión costumista de
Galicia, tradicionalmente dominante alén de Pedrafita.
Subsisten,
naturalmente, diferencias. No ranking territorial seguimos no grupo
secundario. Todos melloramos, pero mantendo as posicións relativas.
As nosas principais eivas podense agrupar en duas rúbricas. Dunha
banda, as derivadas da nosa posición, periférica en España e ainda
máis na Europa comunitaria. Certamente hai máis mundo que o bloco
comunitario, pero está máis lonxe en todolos sentidos. O triángulo
delimitado polo País Vasco, Madrid e Cataluña, está sendo tractor
do desarrollo económico e da apertura exterior. O resto do
territorio español está perdendo poboación, investimentos e
dinamismo. Hai duas velocidades, tanto na UE como en España. Mesmo
dentro de Galicia.
A segunda
rúbrica agrupa os datos específicamente galegos. A demografía
recesiva, o forte envellecimento, o despoboamento do interior, os
movimentos migratorios. Debuxan un país en declive, que esmorece e
abandoa o territorio. A nova emigración afecta precisamente as
persoas máis cualificadas e na edade de procrear. Os movimentos da
poboación documentados no Censo son incontestables tanto en cifras
absolutas como nas tendencias.
Institucionalmente
Galicia ven sendo un territorio moi estable. O autogoberno foi
dirixido durante o 83% da historia democrática, por unha maioría
absoluta conservadora. O tempo restante, un 17%, por gobernos de
coalicións progresistas. Trinta anos de presidentes conservadores
por seis de presidentes socialistas. Tamén as Administracións
Locais, Concellos e Deputacións, tiveron gobernos estables de xeito
maioritario.
No ano en
curso coinciden varios factores novidosos. Unha lenta recuperación
da crise económica, visible nas magnitudes macroeconómicas pero
máis incerta no mercado laboral, salarios, contratos ou
estabilidade. Un escenario internacional cheo de incertidumes, con
ralentización do crecemento, turbulencias financieiras, crise das
economías emerxentes, crise migratoria en explosión e conflitos en
Oriente Medio co correlato de ameazas terroristas certas para os
países europeos. No plano doméstico a maior inestabilidade
institucional, consecuencia das eleccións xerais de decembro pasado
e a crise de Cataluña, de difícil pronóstico. Ainda debemos
engadir as eleccións autonómicas galegas previstas para outono e a
posible repetición das eleccións xerais en xuño.
No hay comentarios:
Publicar un comentario