Onte Núñez Feijoo explicou que os documentos, contratos, expedentes, acreditativos das relacións da Xunta coas empresas do seu amigo narcotraficante, Marcial Dorado, xa non existen. Non o dixo no debate de hai un mes, cando prometeu entregar a documentación, nin o dixo cando entregaron unha táboa de referencias, sen firma nin acreditación. Agora sabemos que durante ese mes, desapareceu documentación. Como nun Estado autoritario, o poder decide o que poden coñecer os cidadáns. Con desprezo á norma legal, lei 8/1995 do Patrimonio de Galicia, que impide a destrucción documental e que non foi desarrollada. Con desprezo ó Regulamento do Parlamento que dispon o dereito a coñecer os expedentes administrativos, con desprezo á transparencia que debería facilitar a calquera cidadán coñecer o destiño dos seus impostos.
Así, facendo bó o vello dicterio, o poder corrompe. En primeiro lugar corrompe as formas, cando un sistema democrático é sobre todo un estado de opinión, un conxunto de prácticas e actitudes. O pensamento conservador, español e galego, queren impoñer, coa forza da maioría, o pensamento único, no ensino, nas condutas (inefable documental sobre o decoro na muller), nos medios. Non resulta extraño que agrome a protesta social en todalas suas formas. Compre resistir.
No hay comentarios:
Publicar un comentario